TXARTELA ORDEZTEA DATUAK ALDATZEAGATIK

Datuak aldatzeagatik txartela ordezteko izapidea aurrez aurre egingo da.

Aurrez aurreko izapideak egiteko, hitzordua eskatu behar da nahitaez aldez aurretik, helbide honetan: tacografodigital@gipuzkoa.eus

Aurrez aurreko izapidea egin baino lehenagoko urratsak:

1) Ordainketa-gutun bat eskuratu, eta garraio bulegoetara joan aurretik ordaindu. Horretarako, web orrian sartu behar da, eskuineko laukian dagoen estekaren bidez.

2) Aurkeztu beharreko eskabide-inprimakia bete, eta, ordeztu beharreko txartelarekin batera, garraio bulegoetan aurkeztu.

3) Ordezpena izapidetzeko, agiri hauek aurkeztu behar dira:

a) NANa, atzerritarren identifikazio txartela (AIT) edo pasaportea.

b) Egingo den aldaketa justifikatzen duen dokumentazioa.

Adi: ordeztu beharreko txartela garraio bulegoetan aurkeztu aurretik, txartelen edukia deskargatu behar da nahitaez (FOM/1190/2005 Agindua, apirilaren 25ekoa, 24. artikulua).